Балар эртний хүний оюун ухаан

Философи, хүмүүнлэгийн ухааны эрт, эдүгээгийн сонгодог бүтээл, философичдын үзэл бодол, үйл хэргээс дээжлэн хүргэхийг зорьсон Софило цувралынхаа тавдугаарыг эрхэм уншигч танаа толилуулж байна. Манай цуврал суут сэтгэгчдийн сор бүтээлийг орчуулан хэвлүүлэхдээ Хүний философи, хүн судлал, утга соёл, угсаатан судлал, заншилзүйг чухалчилж байгаа билээ. Хүн гэж хэн бэ? Хүн хэрхэн оршин байдаг вэ? Хүний амьдралын утга учир чухам юу юм бэ? зэрэг мөнхийн асуудлын тухайд Софило үзлүүдийн индэр, цагийг эзэлсэн их сэтгэгчидтэй хийсэн амьд ярилцаа байх юм.