Гадаадын хөрөнгө оруулалтын эрх зүйн зохицуулалт

Зах зээлийн эдийн засагт шилжсэнээс хойш өнгөрсөн 20-иод жилийн хугацаанд манай улсын эдийн засаг, нийгмийн амьдралд эерэг нааштай олон өөрчлөлтүүд гарсаар байна. Хөрөнгө оруулалтын эдийн засаг, нийгмийн хөгжилд үзүүлэх нөлөө, ач холбогдлын талаар доктор, профессор Д.Цэрэнпил "Хөрөнгө оруулалтын динамик үзүүлэлт нь аль ч орны эдийн засаг, нийгмийн чадавхийн хөгжлийг тодорхойлох макро эдийн засгийн чухал хэмжүүр юм. Шилжилтийн эдийн засагтай тэгээд хямрал бэрхшээл тулгарсан улс орны хувьд эдийн засаг нийгмийн байдлыг тогтворжуулж цаашдын өсөлтийг хангах зайлшгүй нөхцөл бол үйлдвэрлэлийн хүчин чадлыг сэргээх, шинэчлэх, хөрөнгө оруулалтыг нэмэгдүүлэх явдал юм". Энэ нь манай улсын хувьд цаашдын хөгжлийн чиг хандлага бол хөрөнгө оруулалтыг хөхүүлэн дэмжих юм гэдгийг тодорхойлсон байна.