Ухаанд ургасан эзэнт гүрний эрэл буюу “Гэгээн Иоанны улсын тухай” домог

Уншигчдад толилуулж буй энэхүү ном орчин үеийн шинжлэх ухааны зохиол бүтээл туурвидаг хэвшмэл төрөл зүйлийн алинд ч үл хамаарна. Хэдийгээр энэхүү ном өргөн олон уншигчдад зориулсан, танин мэдэхүйн энгийн хэллэгээр бичигдсэн боловч шинжлэх ухааныг сурталчлан дэлгэрүүлэх найруулал гэж нэрлэхэд төвөгтэй. Ном маань яах аргагүй таниулах, дэлгэрүүлэх агуулга, хэлбэртэй. Гэхдээ судалгаа шинжилгээний дүнг цөөн мэргэжилтний явцуу хүрээнд танилцуулдаг хэвшил дадал болсон арга, хэлбэр биш харин уг номонд агуулагдаж буй судалгаа, шинжилгээний цоо шинэ арга, хандлагыг анх удаа нийтлэн нийтэд хүргэж байгаа онцлогтой.