орох i

аливаа юм, юмны дотор хүрээнд, харьяанд багтах, холбогдох, нийлэх; гэрт орох; тасалгаанд орох; цонхоор салхи орж байна; ажилд орох; сургуульд орох; намд орох (намын гишүүнд элсэх); замд орох, замаар орох (зам дагаж явах, мөрөөр явах; социализмын замд давшин орлоо; замаар ороод алхав); байранд орох, сууцанд орох (байрлах, байртай болох, сууцанд шилжих; манайх шинэ байранд оров; одоогоор орон сууцанд орох болоогүй байна); бүртгэлд орох (бүртгэгдэх, бүртгэлд багтах); дансанд орох (данслагдах, дансанд багтах); орлогод орох (орлогонд багтах, орлогонд тэмдэглэгдэх); хоолонд орох (а.хоол идэх; одоо би яваад хоолонд ороод ирнэ; б.хоол идэх дуртай болох; тариа хийлгэснээс хойш тав хоноод хоолонд орж эхлэв); гуанзанд орох (бэлтгэсэн идэш уушны газар хооллох); усанд орох (а.усанд шумбах, угаах; бид Туул голын усанд оров; халуун усанд тавтай оров; шүршүүрт оров; б.норох; усанд орсон тамхи); далд орох (далдлагдан үзэгдэхгүй болох; нар уулын цаагуур далд оров); нар орох (нар жаргах, шингэх); номд орох (аливаа сургаалд бишрэх, зөвшөөрөн дагах; буруу номтны номд орох); дагаар орох (өршөөл, соёлд багтан оролцох); хүргэн орох (эхнэрээ дагаж хадмынд орогнох; айлд хүргэн орж гэнэ); хэл аманд орох (хэрүүл шуугианд нэр багтах, оролцох); хэрэгт орох, ял зэмлэлд орох (гэм зэмд холбогдох; хүн зодсон хэрэгт орж гэнэ).

аливаа газарт очих, хүрэх.

уруу, эсрэг, чиглэн одох.

хэрэглэгдэх, зарцуулагдах.

агаарын тунадас, хур буух.

юманд шуналтай, дуртай, сонирхолтой болох; архинд орох; өнгөнд орох; тоглоом орох.

бодогдох, сэтгэгдэх; тэр хүний нэр гэнэт дотор ороод ирлээ шүү; ☆ *нүд орох** (сохор хүн хараатай болох); зүүдэнд орох (зүүдэнд сэрэгдэх); тэргэнд орох (адгуус малыг тэргэнд хөллөх); хүч орох (а. хүчтэй болох, тэнхээтэй болох; б. улам исгэлэн болох); үнэр орох (үнэртэй болох, үнэр шингэх); амт орох (амттай болох, амт шингэх); зүрх орох (зориг орох); зориг орох (зориг бадрах); өнгө орох (а. сайхан өнгөтэй болох; б. өнгө үзэсгэлэн сайжрах); царай орох (царай сайхантай болох); хөлд орох (хүүхдийн анх явж сурах); хэлд орох (хүүхэд анх үг хэлж сурах); үнэд орох (үнэ нь нэмэгдэх; алт үнэд орж байна гэнэ); үгэнд орох (дуулгавартай байх; энэ миний үгэнд л ордог хүү байгаа юм); жил орох (дорно зүгийн зурхайн ёсны мөчлөгийн жил тохиолдох; энэ жил гучин долооны бар жил оров); ухаан орох (а. хэрсүүжих; б. ухаан алдсан хүн сэргэх, сэхэх); амь орох (а. амилах; б. үнэхээр итгэх; голд ортол итгэмээр үг хэлэв); аминд орох (а. амий нь аврах; б. алах); онд орох (онд мэнд эсэн туулах).

Монгол хэлний их тайлбар толь

Тайлбар

Жишээ өгүүлбэр