Монгол хэлний их тайлбар толь

1. юмны дээрээс доош болгохоор хүчдэх; өвс нуруулдахад дээрээс нь олигтойхон дарах хэрэгтэй байдаг; доош нь дарах; няц дарах; чулуугаар дарах;
   • өндөг дарах; (шувуу өндөгнөөсөө ангаахай гаргахын тул дээрээс нь суух).
   • хуруу дарах (а. эрхий хуруунаас эхлэн нэг хоёр гэж хуруугаар тэмдэглэн тоолох; хуруу даран тоолох; б. нуусан хурууг олохоор наадах; в. таах төлөгдөхөд эрхийгээр бусад хурууны үеийг тохиолдуулан тоолох).
2. юмны хэв дүрсийг юман дээр гаргах; бар дарах; тамга дарах;
   • эрхий дарах (эрхий хурууны ормыг бичиг дээр гаргаж баталгаа болгох).
3. намжуулах, намхруулах, бууруулах, хорогдуулах, хасах;
   • амьсгаагаа дарах (түр амсхийх).
   • уураа дарах (уураа барих).
   • нас дарах (өндөр насалж, тамир тэнхэл муудах).
   • үнэ дарж авах (үнэ хорогдуулах).
   • царай дарах (а. өөдгүй царай гаргах; б. царай нь гутах).
   • сүр дарах (а. сүрдэх; б. жавхаагий нь гутаах).
   • цалин дарах (цалингаас нь суутгах).
4. доош нь болгох; хярд гарсан малыг дараад ирэв; сайн хүнийг өндийлгэхгүй дарахын хэрэг юүн!;
   • толгой дарах (а. толгойгоо гудайлгах; б. толгой дараалах).
5. далдлах, бүрхэх; эрийг нас дарж ,уулыг цас дардаг;
   • хог дарах (а. хог новш их болох; б. хог новшийг булах, далдлах).
   • шороо дарах (юман дээр шороо тоос үлэмжхэн хурж тогтох).
6. давхцах, дээр дээрээс нэрмэх;
   • ажил дарах (олон ажил давхцах):
   • хөл дарах (олон хүн зэрэг зэргээр давхцан ирэх).
7. нуун далдлах; малын тоог дарах; алдуул малыг даржээ;
   • насаа дарах (залуу болох гэж насаа бага хэлэх).
8. юмыг хадгалах, нөөцлөх;
   • ногоо дарах (ногооны зүйлийг давсалж хадгалах).
   • бараа дарах (дамын худалдаачид элбэг барааг ховор болоход нь өндөр үнээр худалдана гэж нөөцлөх).
   • ажиг дарах (тус хорыг тэмдэглэн санаандаа хадгалах).
9. ялах, устгах; дайснаа дарж дархан цолыг олов, өстнөө дарж өргөн цолыг олов ү л г э р;
   • нүх дарах (а. нүхийг битүүлэх, бөглөх; б. нүх шахаж наадахад даалууны нүхийг хөмрөн нуух).
10. хойноос нь мөрдөж хөөх, гүйцэх.

☆.

• хар дарах (аймаар зүүд зүүдлэх).
• толгой дарах (цөм, бүгдээр).
• дарж бичих (яаралгүй хичээн бичих).