The great explanatory dictionary of Mongolian

1. юм, үзэгдлийг үгээр тэмдэглэсэн нь; цэцгийн нэр; сонины нэр; далдуу нэрт мод; олон нэр төрлийн бараа бий; нэр төрөл х о р ш,.
2. хүнийг анх төрөхөд ногдуулан зүүлгэж дуудах үг, бас мал адгуусанд бий.

• таны нэр хэн бэ? (таны нэр алдар хэн бэ?); нэр нэгтийн чих нэг з ү й р.
• нэр хамтрах (аливаа үйлдсэн хийсэн зүйлд хоёр буюу түүнээс дээш нэр оруулах).
• нэр дэвшүүлэх (сонгууль томилолт зэрэгт нэр нь орох; сонгуулийн тойрогт нэр дэвшүүлэв).
• нэр ташлах (нэр цохсон хүний дараа дэдлүүлэн нэрийг зааж оруулах).
• нэр цохох (олны дотроос оноох).
• нэр зээлдэх, нэр зээлэх (бусдын нэрийг өөртөө ашиг завшаан болгож ашиглах).
• нэр цээрлэх (жинхэнэ нэрийг хэлэхгүй, ямар нэгэн нэрээр орлуулан нэрлэх).
• бага нэр (бага залуу ахуй цагийн нэр).
• нэр үг (хэлний зүйн нэг ай).
• жинхэнэ нэр (хэн юу гэсэн асуултад хариулах үг).
• бодисын нэр (материаллаг үзэгдэл юмны нэр).
• хийсвэр нэр (бодит биш ухагдахуун илэрхийлэх үг).
• оноосон нэр (нэгэн төрлийн олон юмны дотроос бусдаас ялгаж тусгайлан өгсөн нэр).
• нэр томъёо (шинжлэх ухаан, техникийн аливаа явцуу ухагдахууныг тэмдэглэсэн үг).
• нэр томъёоны судлал (нэр томъёог тогтоох, судлах тухай судлал).
• орлогын нэр (орсон юмыг дараалан бичсэн жагсаалт).
• нэрийн хуудас (овог нэр, хаягаа бичсэн жижиг хэрчмэл цаас).
• нэрийн цэс (хүний нэрсийг дэс дараалан бүтээсэн бүртгэл).

1. алдар, дуурсгал; нэрд гарсан эрдэмтэн; нэртэй дууч; ногдсон үүргээ нэр төртэй биелүүлэх;
   • нэртэй зартай (сайн муу нэр нь олон алдаршсан).
   • нэр бүтэн (нэр нь гутаж муудаагүй).
   • нэр олох (а. нэртэй болох; б. нэр нь алдарших).
   • нэр хүнд (нэр алдар).
   • нэр муутай (нэр алдар нь гутаж доройтсон).
   • нэр сайтай (нэр алдар нь гутаж муудаагүй, сайн).
   • нэр сүр (нэр алдар, нэр хүнд).
   • нэр төр (алдар хүнд).
   • нэр бүхий (нэр дурдагдсан).
   • нэр гутах, нэр гутрах (нэр алдар доройтож муудах).
   • нэр хугарах (нэр алдар муудах, хүний газар нэр хугарахаар, өөрийн газар яс хугар зүйр).
   • нэр алдарших (нэр алдар нь олон түмний дотор түгж дэлгэрэх).
   • нэрд гарах (нэр алдар нь нийтийн дотор товойж тодрох).
   • нэр харах (а. нэрээ бодох; б. нэр алдар, эрх тушаалы нь харгалзаж ялгавартай үзэх).
   • нэр цэвэрших (нэр гутаж муудахад хүрсэн шалтгаан нь үгүй болж нэр нь цэвэр болох, цагаадах).
   • нэрээ хугалах (нэрээ гутаах үйл явдлыг өөрөө үйлдэх).
   • нэрээ цэвэрлэх (нэрээ гутаасан үйлээ цэвэр болгох, цагаатгуулах).
   • нэрээ цагаатгах (нэрээ цэвэрлэх).
   • нэрээ бодох (а. нэр алдраа хайрлаж хамгаалах; б. нэрэлхэх).
   • нэрээ хайрлах (нэр алдраа хайрлан арчлах, хамгаалах).
   • сайн нэр хүсэвч олдохгүй, муу нэр хусавч арилахгүй (сайн нэр олох гэдэг маш бэрх, нэгэнт муу нэр олбол түүнийг арилгахад бүр ч хэцүү).
   • хүн нэрээ, тогос шувуу өдөө с э ц э н (нэрээ маш эрхэмлэн хайрлах нь чухал).

☆.

• нэр хэмээх (зэмдэглэх, хагас дутуу гүйцэтгэх; бичиж өгсөн нэр хэмээгээд явжээ).
• нэрийн өмнөөс (төлөөнөөс).