The great explanatory dictionary of Mongolian

1. хийн мандалыг бүрэлдүүлдэг азот, хүчил төрөгч зэрэг хий.

☆

• агаар эмнэлэг (нарны гэрэл илч дулаан агаараар эмчлэх эмнэлэг).
• агаарын зам (нисэх онгоцоор зорчих зам).
• агаарын мэдээ (агаарын цахилгаан мэдээ, утасгүй цахилгаан мэдээ).
• агаарын цэрэг (нисэх хүчний цэрэг).
• агаарын байлдаан (агаарт байлдах байлдаан).
• агаарын тээвэр (нисэх онгоцоор тээх тээвэр).
• агаарын шуудан (онгоцоор илгээх шуудан).

1. аливаа дүрст бодис үүдэх оршихуйд үл торох тулах зай, огторгуй; хоосон агаар (огторгуйн хоосон); хий агаар (агаар огторгуй).
2. аливаа орон багтаамж; номын агаар (шажин ном дэлгэрэн түгэх орон).
3. уг чанар мөн чанар, эх үүсгэл, гүн, сэтгэлийн агаар (сэтгэлийн уг, сэтгэлийн гүн); Хол ойроос хулгай хийх хүн хийгээд Хотыг эргэн гэтэх чоно хоёрын Ахуй бие дүр ангид боловч Авах идэхийг хүсэх сэтгэлийн агаар нэгэн буй. (Цогт тайжийн чулууны бичгээс).
4. дэлхийн хийн мандлыг бүрэлдүүлэх нарийн бүтэцтэй бодис.

• агаарын хугарал (дэлхийн агаар мандал дахь гэрлийн хугарлаас нөлөөлж тэнгэрийн бодис үймрэн харагдах байдал).
• агаарын хуурай багана (гаднах даралтад шахагдан нягцуурч агшин зуур дулаан үл нэвчих чанар олсон хуурай хий).
• агаарын тундас (бороо, цас, мөндөр).
• агаарын хийн даралт (агаар мандлын даралт).
• агаарын хийн урсгал (халуун хүйтний шалтгаанаар агаарын даралт газар бүр нягт сийрэг харилцан адилгүйн улмаас нягт газраас сийрэг тийш хийн урсах үзэгдэл буюу салхи гарах).
• агаарын үнэмлэхүй чийг (нэг шоо дөрвөлжин метр агаарт оршиж буй усны уурыг граммаар хэмжсэн тоо чанар).
• агаарын харьцахуй чийг (агаарт хурах чийгийн байдлыг халуун хүйтний нөхцөлд хамааруулан хэмжих чанар).
• агаарын давхрага (газрын дээрх шим мандал. давхраг мандал, цэнэгт мандал гэж хуваах агаар мандалын давхрага).
• агаар мандал, агаар бүрхүүл (дэхлийн гадаргууг бүрхэж, буй агаар хийн бүрхүүл).
• агаарын сонсгол зүй (түгээмэл агаар мандалд дуу авиа түгэн тархахуйг судлах зүй).
• агаарын хараа зүй (агаарт гэрэл сарних, шингэх, хугарах, ойх, цацрах тэргүүтэн агаар мандлын үзэгдлийг судлах зүй).
• агаар мандлын цахилгаанлиг (агаар мандалд гарах элдэв цахилгаан үзэгдлийн цогц).
• агаарын даралтын хэмжүүр (нэг хавтгай дөрвөлжин см. талбайд 1,033 кг. жингээ дарахуйтай тэнцэх хийн бодисын даралтыг хэмжих нэгж).

☆ агаараас (а. нотод баримталсан санааны үүднээс хийх үйл; эцэг эх нь үр хүүхдээ сайн болгох санааны агаараас элдвээр сургамжлана; б. огторгуйн уудмаас хэмээх утга; огторгуйн агаараас үүл ургаж хур бууна).