<p>Архангай аймгийн Мөрөн сумын (Одооны Тариат сумын Алтаад багийн) нутагт 1946 онд төрсөн. Мөрөн суманд бага, Өндөр-улаан суманд дунд, Тариат суманд ахлах, Улаан баатар хотод их сургуульд суралцаж төгсөөд химийн багшийн мэргэжил эзэмшиж Архангай аймгийн Тариат, Өгийнуур, Хайрхан, Эрдэнэмандал сумдын сургуулиудад  багшилж байгаад Сурган хүмүүжүүлэх ухааны(Одооны Боловсролын) хүрээлэнд “Дунд сургуулийн хими сургалтын агуулга, арга зүйг боловсруулах” сэдэвт  эрдэм шинжилгээний ажилтнаар ажиллаж байсан. Энэ хугацаандаа дунд сургуулийн хими сургалтыг шинэчлэх үзэл баримтлал, хөтөлбөр, стандарт зэрэг таван баримт бичиг боловсруулж, багш нарт зориулсан зөвлөмж хорь гаруй, сурагчдад зориулсан сурах бичиг, гарын авлага дөч гаруйг бичиж, химийн элементүүдийн үелэх системийг том, жижиг таван өөр хэлбэрээр боловсруулж олны хүртээл болгожээ. Тэтгэвэрт гарснаасаа хойш орон нутаг судлалаар арав гаруй ном бичиж хэвлүүлжээ. Түүний хөдөлмөр бүтээлийг төр засгаас үнэлж “Ардын боловсролын тэргүүний ажилтан” цол, тэмдэг, “Алтан гадас” одонгоор шагнажээ.</p>


Үндэсний цахим сан

Дэндэв овогтой Мижиддорж

21

Нийт бүтээл

1

Эш татагдсан